[Zee24Taas]दिल्लीतून सुप्रिया सुळे यांची पत्रकार परिषद

मध्य आशियात सुरू असलेल्या युद्धाच्या पार्श्वभूमीवर त्याचे परिणाम आता भारतातही जाणवू लागल्याची चर्चा सुरू आहे. शेतीसह विविध क्षेत्रांवर या संघर्षाचे सावट दिसून येत असल्याचे सांगितले जात असून घरगुती वापराच्या गॅसच्या पुरवठ्याबाबत तुटवड्याची परिस्थिती निर्माण झाल्याचा मुद्दा समोर आला आहे. यावर राष्ट्रवादी काँग्रेस (शरद पवार गट)च्या खासदार सुप्रिया सुळे यांनी महत्त्वाची भूमिका मांडली आहे.

सुप्रिया सुळे यांनी केंद्र सरकारने या विषयावर सर्वपक्षीय बैठक बोलावून गॅस तुटवड्याबाबत सविस्तर चर्चा करावी आणि त्यावर ठोस धोरण जाहीर करावे, अशी मागणी केली आहे. सध्या संसद अधिवेशन सुरू असून या प्रश्नावर सभागृहातही चर्चा होणे आवश्यक असल्याचे त्यांनी स्पष्ट केले.