कार्याध्यक्षपदी निवडीनंतर अभिनंदन करणाऱ्या समस्तांचे खा. सुप्रिया सुळे यांनी मानले आभार

 दिल्ली : राष्ट्रवादी काँग्रेसच्या कार्यकारी अध्यक्षपदी खासदार सुप्रिया सुळे यांची निवड झाल्यानंतर देशभरातील कार्यकर्ते, हितचिंतक आणि पदाधिकारी यांनी मेसेजेस, फोन तसेच विविध माध्यमांतून अभिनंदन केले. या सर्वांचे त्यांनी आभार मानले असून हा स्नेह असाच कायम रहावा, अशी अपेक्षा व्यक्त केली आहे.

पक्षसंघटनेसह सर्वांचे मनापासून आभार, असे म्हणत त्यांनी आपल्या सोशल मीडिया अकौंटवर पोस्ट केली आहे. आपला हा स्नेह असाच कायम राहो. आपण सर्वजण मिळून आदरणीय पवार साहेबांच्या नेतृत्वाखाली पक्षसंघटना आणखी बळकट करू, असा विश्वासही त्यांनी व्यक्त केला आहे.

राष्ट्रवादी काँग्रेसच्या कार्यकारी अध्यक्षपदी निवड झाल्यानंतर आज दिवसभर देशभरातील कार्यकर्ते, हितचिंतक आणि पदाधिकारी यांनी मेसेजेस, फोन तसेच विविध माध्यमांतून अभिनंदन केले. याबद्दल मी पक्षसंघटनेसह सर्वांची मनापासून आभारी आहे. आपला हा स्नेह असाच कायम राहो. आपण सर्वजण मिळून आदरणीय… pic.twitter.com/jzy9akUH5W

— Supriya Sule (@supriya_sule) June 10, 2023