नागपुरातील बेरोजगारी हे भाजपची देणं - खा. सुप्रिया सुळे

नागपूर: नागपूर शहरात आणि ग्रामीण भागात तरुणांच्या हाताला रोजगार नाही, औद्योगिक क्षेत्र ओसाड पडत चालली पण त्याकडे सरकारचं लक्ष नाही. तर दुसरीकडे शेतकऱ्यांच्या शेतमालाला भाव नाही, ग्रामीण भागातील रस्त्यांची दुर्दशा ही भाजपची देण असल्याची टीका राष्ट्रवादी काँग्रेस पक्षाच्या राष्ट्रीय कार्याध्यक्षा सुप्रिया सुळे यांनी हिंगणा येथील राष्ट्रवादी काँग्रेस पक्षाच्या प्रमुख पदाधिकारी व कार्यकर्त्यांशी संवाद साधताना केली. पुढे बोलताना सुळे यांनी महाविकास आघाडीतील घटक पक्ष यांच्याशी आपापसात मतभेद न ठेवता सर्वांनी मिळून भाजप हाच आपला मुख्य शत्रू समजून वैचारिक लढाई जोमाने लढली पाहिजे व येणाऱ्या निवडणुकांमध्ये महाविकास आघाडीचा प्रत्येक उमेदवार निवडून येईल असे प्रयत्न करायला पाहिजे अशा म्हणाल्या. तर यावेळी माजी रमेशचंद्र मंत्री बंग यांनी नागपुरात भाजप सरकारचे मोठे मंत्री असून सुद्धा नागपूर जिल्ह्यातील ग्रामीण भागाची मोठी दुर्दशा असल्याचे मत व्यक्त केले.