आरोपीवर कठोर कारवाईची मागणी

पुणे : चालू लोकलमध्ये महिलांच्या डब्यात चढून एकाने तरुणीवर बलात्कार केल्याची घटना अतिशय संतापजनक घटना असून गुन्हेगारांना कायद्याची भीती राहिलेली नाही. याला गृहखात्याची निष्क्रियता जबाबदार असल्याचे सांगत खासदार सुप्रिया सुळे यांनी संताप व्यक्त केला आहे.

या घटनेमुळे मुंबई लोकलच्या सुरक्षेचा प्रश्न पुन्हा एकदा पुढे आला आहे. या घृणास्पद घटनेतील आरोपीला कठोरात कठोर शिक्षा व्हावी यासाठी तपासयंत्रणांनी कार्यवाही करणे गरजेचे आहे, असे सुळे यांनी म्हटले आहे.