पुणे : पुणे जिल्हापरिषद, विभागीय आयुक्त कार्यालय आणि ग्रामविकास मंत्रालय यांच्या संयुक्त विद्यमाने पुणे, सातारा, सांगली, सोलापूर, कोल्हापूर जिल्ह्यांतील ग्रामीण भागातील महिला बचतगटांच्या विविध उत्पादनांना बाजारपेठ उपलब्ध व्हावी यासाठी विभागीय दख्खन जत्राचे आयोजन करण्यात आले आहे.

पुण्यातील गोळीबार मैदान येथे उद्या (दि. १७) पासून सोमवार (दि. २० फेब्रुवारी) पर्यंत ही दख्खन जत्रा भरणार आहे. या जत्रेला नागरिकांनी अवश्य भेट द्यावी, असे आवाहन खासदार सुप्रिया सुळे यांनी केले आहे.