कसबा मतदारसंघात भाजपचा मोठा पराभव झाला आहे. कसबा मतदारसंघात काँग्रेसचे रवींद्र धंगेकर विजयी झाले असून रवींद्र धंगेकर यांचा 11 हजार 40 मताधिक्यांनी विजय झाला आहे. त्यांनी प्रतिस्पर्धी उमेदवार भाजपचे हेमंत रासने यांना पराभूत केलं आहे. या पराभवानंतर राष्ट्रवादी काँग्रेसच्या खासदार सुप्रिया सुळे यांनी प्रतिक्रिया दिली आहे. काँग्रेसचे रवींद्र धंगेकर हे या निवडणुकीत विजयी झाल्याने सुप्रिया सुळे यांनी त्यांचे कौतुक केले. सुप्रिया सुळे यांनी पोटनिवडणुकीच्या निकालाबद्दल बोलताना त्यांनी भाजपवर जोरदार निशाणा साधला आहे.