[Jai Maharashtra News]खासदार सुप्रिया सुळे यांच्याकडे मोठी जबाबदारी, पुन्हा खासदारांच्या गटाचं नेतृत्व

केंद्र सरकारने राष्ट्रवादी काँग्रेसच्या खासदार सुप्रिया सुळे यांच्यावर महत्त्वाची जबाबदारी सोपवली आहे. संसदीय कूटनीतीला बळ देण्यासाठी विविध देशांमध्ये जाणाऱ्या सर्वपक्षीय खासदारांच्या शिष्टमंडळाचे नेतृत्व करण्याची संधी त्यांना देण्यात आली आहे. सिंगापूरसोबत होणाऱ्या व्यापारी आणि धोरणात्मक चर्चांमध्ये त्या भारताचे प्रतिनिधित्व करणार आहेत.भारत आणि सिंगापूर यांच्यातील द्विपक्षीय संबंध अधिक दृढ करण्यासाठी हा दौरा महत्त्वाचा मानला जात आहे. व्यापार, गुंतवणूक आणि सहकार्याच्या विविध क्षेत्रांवर चर्चा होणार असून, या प्रक्रियेत संसदीय स्तरावर संवाद वाढवण्यावर भर दिला जाणार आहे. या पार्श्वभूमीवर सुप्रिया सुळे यांच्याकडे नेतृत्वाची धुरा सोपवण्यात आल्याचे सूत्रांनी सांगितले.