[Dainik Prabhat]सुप्रिया सुळेंच्या पाठपुराव्याला अखेर यश; बनेश्वर रस्त्याच्या काँक्रिटीकरणास PMRDA कडून २.९४ कोटींची मंजुरी

नसरापूर गाव ते बनेश्वर मंदिर या रस्त्याच्या दुरुस्तीसाठी खासदार सुप्रिया सुळे यांच्या पाठपुरावा आणि आंदोलनाला यश मिळाले आहे. पुणे महानगर विकास प्राधिकरण (PMRDA) कडून २ कोटी ९४ लाख ३६ हजार रुपयांचा निधी मंजूर करण्यात आला आहे. या रस्त्याचे संपूर्ण काँक्रिटीकरण करण्यात येणार असून, जूनच्या पहिल्या आठवड्यात कामास सुरुवात होणार आहे.

स्त्याच्या दुरवस्थेमुळे ग्रामस्थ, बनेश्वर देवस्थान ट्रस्ट आणि ग्रामपंचायत यांनी सातत्याने पाठपुरावा केला होता. खासदार सुप्रिया सुळे यांनी जिल्हाधिकारी कार्यालयासमोर लाक्षणिक उपोषण करून या कामाच्या मंजुरीसाठी ठाम भूमिका घेतली होती. त्यानंतर पीएमआरडीएने पुढाकार घेत प्रत्यक्ष पाहणी करून अंदाजपत्रक तयार केले.